21. 7. 2020:  25 РОКІВ ОД ЗАСНОВАНЯ ОБЩЕСТВА РУСЬКО-НЇМЕЦЬКОЙ ДРУЖБЫ

Общество русько-нїмецькой дружбы (Дружство Руснацох Нємецкей, Rusnaci (Ruthenen) Deutsch-Ruthenische-Freudschaft) – перша русиньска орґанізація в Западній Европі. Была заснована в 1995 р. у Мнїхові, Нїмецько.

Общество русько-нїмецькой дружбы споюює членів 50 родин і 150 особ, што беруть участь на акціях орґанізації. Векшына учасників суть іміґранты з Войводины в бывшій Югославії, што ся переселили до Нїмецька по Другій світовій войнї – войводиньскы Русины і їх потомкы. Орґанізація забезпечує потребы громад войводиньскых Русинів у сусїднїх Швейцарії, Австрії і Франції. Найглавнїшов задачов oбщества є захованя културнх традіцій і языка войводиньскых Русинів, а тыж інформованя остатнїх людей і владны інштітуції Нїмецька о поставлїню карпаторусиньской меншыны в Европі.

Общество орґанізує два основны културны події („Кірбай‟ – в октобрї і бал – в середнинї зимы), бісїдує з Русинами Карпат і войводьньской отчізны ( у т. ч. бере участь на Світовых конґресах Русинів) і планує підпору штудентів, котры ся учать темы, споєны з Русинами, в нїмецких універзітах. Председом-закладателём (1995 – 2001) Общества русько-нїмецькой дружбы быв Сілвестер Кухар.

Здрой: Павел Роберт МАҐОЧІЙ, „Енциклопедія історії та культури карпатських русинів“ зоставителїв П. Р. Маґочія і І. Попа, Ужгород: Видавництво В. Падяка, 2010, с. 741, переклад із україньского языка: А. З